Pengajian Adat Semurup Kerinci

LINKS

    Pengajian Adat Semurup Kerinci

    Editor


     

    PENGAJIIAN ADAT 

    Meliputi namo dikumenyan, kayu ranak la kayu rani, kayu rajo yang tigo silo, kayu tuenku yang sati-sati, kayu tuenku yang dikuramat, la bangka nyu gedang tempat dibusilo, batangnyo gedang tempat dibusanda, daunnyo rimbun tempat buteduh diwaktu kupanasan, taprarun kupado api, salindung Allah namo apinyo, seru Allah namo asapnyo, menyeru ruh yang sati-sati, menyeru ruh yang dikuramat, meresap kupado tujuh top putalo langit, meresap kupado tujuh top putalo bumi, muresap kupado Ambia Allah, muresap kupado Allah.
                Ado dih Mulayu ngato:
    Pepat-dipepat batang kududuk serupo dinge batang ubi, orang mungalah dikoto tebat, masak padi uhang talang lindung, lambio dipanjat jangan, sadu sirapet kito dinge duduk sadu dilingkung umah ini, kupado Allah kito mintak tubat, kupado Nabi kito mintak safa’at, kupado manusio kito minta ma’af.
    Duo dih Mulayu ngato:
    Pepat-dipepat batang kududuk serupo dinge batang ubi, jalan teruh kupadong lalang teruh lagi kupadong ubi, sadu sirapet kito dinge duduk sadu dilingkung umah ini, kito mungiri kato teliti, kalu salah mintak disapo, kalu bena mintak didiri.
    Tigo dih Mulayu ngato:
    Nak ili ke Indra Giri, singgah burenti Koto Malako, sembah kami sadu dinge ngaji, ngaji adat ngaji dipusako, sudah dipakai urang tuo-tuo, supayo adat mak nyu nyato, supayo serak mak nyu nyalo.
    Empat dih Mulayu ngato:
    Bungken genap munahan uji, hukum adil munahan banding, kalunyu adil hakim bara banding, adat dengan serak samo lah dikaji.
    Limo dih Mulayu ngato:
    Burung pirak terbang kusasak, tibo disasak hinggap di capo, semenjak diku ninek turun ku mamak, tibo dimamak turun ke kito. Buruk li bara ganti li, buruk pua jalipo tumbuh, rebah kayu aro jilatang bangkit, hilang cincin para mato timbun, disitu besi taralantakkan papan, disitulah dawat taralukiskan batu, idaknyo lapuk kurano hujan, idaknyo lekang kurano paneh, dinge diasak la idak mati, dinge diangguk idak layu, dinge tibangka dari bumi, dinge tacurek dari langit beku didalam karasatio.
    Lamago itu empat para karo:
    Paratamo       : Lamago Dapur
    Kaduo            : Lamago Kurung
    Katigo            : Lamago Nagari
    Kaempat        : Lamago Alam

    Mano dikato Lamago Dapur?
    Iyo didalom isi umah kito. Bagi mano isi umah kito? Ninik mamak surang, depati surang, anak jantan surang. Kalu nyu tumbuh silang salisih, bagi mano dawahnyo? Kito dawah dalam mupakat. Bagi mano kajinyo? Kito kaji dalam barunding, mano nge tinggi maknyu endah, mano nge gedang maknyu kecik, mano dinge kecik maknyu abih. Mano tempat kito bukaji? Tebu bubalut dinge daun nangko, balumak dinge getah, tau air belum beriak, daun kayu belum baringgung, kuaso ikan kurano ideh, kuaso  burung kurano sayap. Manen bunyi kajinyo? Ngekeh kerbau dinge kulit, ngekeh manusio dinge ninik mamak tau-tau pati penghulu. Apu namo kampungnyo? Namo kampung buah tamanggi. Apu namo meh angusnyo? Meh Sapetai meh angusnyo.
    Kaduo Lamago Kurung, bagi mano tumbuhnyo? Iyo didalom kurung kampung kito, atap busanggit mendun batumbuk, lebuh baulong samo diuni, samo tigenang samo dicauk, laman buresih samo di tempuh, anak buah anak dipunakan samo di apah dalam nagari. Kalu tumbuh silang salisih, bagi mano la dawahnyo? Kito dawah dalam pasko. Bagi mano la kajinyo? Kalunyu luko kito pampeh, kalunyu mati kito bangun, lemban balu tepung tawa, kundur batang sandaran bangun. Bagi mano panyudahannyo? Atehnyu mbuk samo mbuk, atehnyu suko samo suko. Apo bunamo lah kampungnyo? Namo kampung di ulu air, keruh air jingok ke ulu, nyintung air jingok ke maro. Apu namo meh angusnyo? Meh sakundi meh angusnyu.
    Katigo Lamago Nagari, bagi mano tumbuhnyo? Iyo didalom parit basudut empat, dipegang purbukalo bungkan yang empat, tigo luhah isi nagari. Kalunyu tumbuh silang salisih, bagi mano dawahnyo? Kito dawah dalam batang pusako. Bagi mano kajinyo? Tasungkut keno, tabalik lepeh, iyo mumbaya idak basudah. Manen bunyi kajinyo? Beneh satingkin  ampo saganggam, bah ke kiri menang ke kanan, alah suci menang bibeh, beruk dirimbo keno susu, anak di pangku keno buang, kato pusako idak bulih di asak, mencari sap dinge jirami, mencari tunggun dinge maruan, mencari tuneh dinge pamarap. Kalu idak nyado dinge sadu itu? Bia sabilik mumbaok padi, padi ampo; bia saguci mumbaok meh, meh lancung; Apu namo kampong nyu? Namo kampung batu dipulau. Apu namo meh angusnyo? Meh sameh meh tanjuk batimbo, kalunyu lalu nyu nak muput, tabalik nyu nak ngenai, idak ujung pangkan mumakan, idak kait tupang mungenai, idak tajuk taji mumakan.

    Ado dih Mulayu ngato:
    Tali teguh tempat dibugantung, kato bena tempat dipucayo, kalunyu dapat kato sio-sio serahkan sajo kupado untung (Tuhan).
    Duo dih Mulayu ngato:
    Bunyi ketik garugo bandung, bunyi tarik garugo utang, dinge titik lah ditampung, dinge mirih lah dilikam. Warih nak dijawat, walipah nak dijunjung, turun tamurun gili menggili, sejak dahulu sampai sakarang, disitu besi taralantakkan papan, disitu dawat taralukiskan batu, idaknyu lapuk dikurano hujan, idaknyu lekang dikurano paneh, dinge di asak idak mati dinge diangguk idak layu, dinge tabangkah dari bumi, dinge tacurek dari langit, beku didalom karasatio.
    Keempat Lamago Alam,
    Bagimano tumbuhnyo? Bungkan batumbuk samo bungkan, nagari batumbuk samo nagari, mandapo batumbuk samo mandapo. Kalunyu tumbuh silang salisih, bagimano dawahnyo? Kito dawah dalam yang ba undang. Bagimano kajinyo? Sari ado sari bunamo, sari mati sari bugela, sari guntur sari kilat, sari batepuk talingo angat, sari mati sari balanjo, sari batakuk parmen tanah, bukit didaki lurah diturun, kreh ditakik lunak disudu, jingok punakin balik punurun, jingok padang sibalik rimbo, jingok udang sibalik batu. Idak jugo sedang disitu! Idak buremeh bungkan di asah, idak bubereh atah dikisai, idak bukayu jenjang di engkah, pakaro ini dimajukan jugo. Idak jugo sedang disitu! Bia tabesit di bawong abang, tunggak kudateh bubung kubawah, lah kito tuik lak kito tanyo, bapasir ili bapadang mudik. Idak jugo sedang disitu! Kalu buranyut bak air, kalu bak ile mak kalam, batali aluh bacitak lemah, naik balai turun mundapo, jingok masjid yang duo beleh, kito tekin kutanah riang, lik bukit kajang selapak. Idak jugo sedang disitu! Undang-undang butali galeh, taliti butali semat, dukung bareh jago sangu, balantak tajuk ile ke banda Jambi, jinjek semat yang duo puluh, baratamu dengan rajo kito batigo urang.


    Manolah Rajo yang batigo urang?
    Paratamo         :  Pangeran Sukarto
    Kaduo             :  Pangeran Suko Jayo
    Katigo             :  Pangeran Tamanggung

    Undang-undang turun dari Minang Kabau, Taliti mudik dari banda Jambi, Adat yang empat datang dari Kerinci, baratamu dibukit jumbak, bukit jumbak paratamuan undang, Tanjung samalindu parmen besi, lik abai saruntung manau, lik galanggang yang tigo sudut, lik macang yang sebaun, lik bukit anggaran takuluk, pamatang paradun lah pau uso, disitukan dadap baradurikan meh, antau parben limau kapeh, koto batu baralun ile, koto lunang baralun mudik, undang balik ke Minang Kabau, taliti ile ke banda Jambi, adat yang empat balik ke alam Kerinci, serak bumubung naik kelangit, pasko jatuh ke batang antau, lik batin yang sembilan, tentang batu yang duo beleh.
     Apo dendam undang-undang tinggan? Apo pesan taliti balik? Apo umanah serak tinggan? Dendam undang-undang tinggan, meh sa meh tinggan dikito, kalunyu kusut tempat bausai, kalunyu rengang tempat basusun, kalunyu silang tempat bapatut, kalunyo sarang tempat babagih, sekutu dibelah duo, terjun kito punaik, buruk di baru, kumuh disesah, salah tarik mengembali, salah pakai dipaluluh, salah makan dimuntahkan, tumbuh dicupak dilihati, tumbuh di adat disusuni, tumbuh dibatang pasko samo didaki, tumbuh di undang samo dikerasi, tumbuh diserak samo dikaji.
    Apolah pesan taliti balik? Salah pauk memberi pampeh, salah bunuh memberi bangun, nak bubini isi adat isi pusako, nak lari tuang lamago.
     Ado Dih Mulayu Ngato:
    Tanjung pauh munanam kapeh sungai penuh munanam timun, orang piantau mumbao air, sapu dinge mauk itu dinge mampeh, sapu dinge munuh itu dinge mangun sapu dinge barutang itu dinge mayi.Apo umanah serak tinggan? Suruh dikerjo tegah dihenti, sah dipakai batal dibuang.
    Tatkalo maso agi dulu, sapu dinge paratamo munyambut warih adolah rajo batigo urang:

    Paratamo        : Rajo Kalipan
    Kaduo             : Rajo Karban
    Katigo             : Rajo Karton
    Manolah pegang Rajo Kalipan?
    Megangkan sungai sembilan batang. Manolah sungai sembilan batang?
    Paratamo, Batang Tebo;
    Kaduo, Batang Bungo;
    Katigo, Sungai Tabir;
    Kaempat, Palepat yang Selamat;
    Kalimo, Bukit Lancup; Kaenam, Seling;
    Katujuh, Rantau Limau Manih;
    Kalapan, Maro Masumai;
    Kasemilan, Batang Merangin
    Manolah Pegang Rajo Karban?
    Megang sambilan larik puncak Palembang.
     Satu, Di palembang;
    Duo, di Bangka Ulu;
    Tigo, Lahat;
     Empat, Tebing Tinggi;
    Limo, Limun;
    Enam, Batang Asai;
    Tujuh, Rejang Ulu Musi;
    Lapan, Ketaun;
    Semilan, Seblat ditunggu Sultan Juru Batu.
    Ado Pusako tinggan disitu:
    Paratamo, Pemarap;
    duo, Paratin;
    tigo, Pangideh,
    empat, Pasirah.
    Manolah Pegang Rajo Karton?
    Ili Sungai Tereh, sarujen Tanah Abang, sipentinggen Tanah Betawi, tabao laut sabelat kudara, au sarumpun adolah parit yang samambo, adolah pasir yang tarentang. Apolah tando dio ado disitu? Kudateh munjadi elang putih, kubawah munjadi bidai putih, tempat puti budarah putih, kalu dio mudik ke bangkundah, kubangku tinggi, dio baratempat Kuala Jambi, dio tetap Muaro Masumai.
    Ado dih Mulayu ngato:
    Nak sayo bilang batang tamenggi, batang metimun masak serangkai, nak sayo bilang batang Jambi, so dengan limun batang Asai
    4. Batang Tamansi                                 5. Batang Hari
    6. Batang Tebo                                       7. Batang Bungo
    8. Sungai Tabir                                       9. Pulau Rengas
    Disitu pamuncak tanah Jambi, ilir la batin yang sembilan membao kerbau yang sembilan ekor, membao bereh sembilan ratuh, mudik la jenang yang butigo, nepat ku renah salang buku baratemu dengan rajo kito yang batigo urang, kerbau dipotong bereh di anguh, disitulah urang barapadu padat mencacak depati batujuh urang, batakah naik bajenjang turun, disitu diambik tiru turen dan tauladan, dawah dan jawab, bina dan saksi, bungkan terjun yang piawai, tiap-tiap kato adat kato pasko, barasandi kupado cupak yang duo, kato yang empat, nagari yang empat, undang yang empat, adat yang empat.
    Manolah dikato cupak yang duo?
    Paratamo, cupak asal;
    Kaduo, cupak buatan.
    Manolah dikato kato yang empat?
    Paratamo, mupakat; Kaduo, kato adat; Katigo, kato pasko; Kaempat, kato serak. Manolah dikato nagari yang empat? Paratamo, secupak; Kaduo, Sajaha; Katigo, mekah; Kaempat, Madinah.
    Mano dikato undang Undang yang empat?
    Paratamo, undang-undang
    Luak; Kaduo, undang-undang nagari,
    Katigo, undang-undang urang didalam nagari;
    Kaempat, undang-undang yang duo puluh.
    Mano dikato adat yang empat? Paratamo, sibena adat, ado dalih firmen Allah mengatokan:
    ÎoTÎ) ×@Ïã%y` Îû ÇÚöF{$# ZpxÿÎ=yz
    Mako didirikanlah rajo diatas dunia ini dengan pasuruh Aku, jadi wakil Aku, la kato Allahu ta’ala mengatokan suruh dikerjo tegah dihenti sah dipakai batal dibuang.
    Kaduo, tara adat;
    Katigo, adat yang diadatkan;
    Kaempat, adat jahiliyah.

    ManomDepati Batujuh Urang?
    Paratamo, Depati Satio Rajo:
    Pandai mungiyo kato rajo, pandai mungiyo kato jenang, dio tinggan dilubuk Gaung Para Mentin Rio Mengalun,
    Duo: Depati Satio Nyeti,
    Pandai mumeti kato rajo, pandai mumeti kato jenang, dio tinggan dibukit batu, berak biru tebu seringit, paramenti rio sari.
    Katigo Depati Satio Nyato,
    Pandai munyato kato rajo, pandai munyato kato jenang, dio tinggan durien ditakuk rajo, paramentin Riomentin.
    Depati nan batigo tinggan di barauh dengan manunggu Kerinci ndah dengan manungggu Kerinci Tinggi, mano dikato Karinci ndah? Ialah renah salong buku, manolah dikato Kerinci tinggi? Iolah alam pangken jambu, urang pasirah parantin tuo, urang parantin yang duo beleh seluk awai baringin sanggun.
    Urang sakanci maro siau, dio tetap di koto tampon Sarampi Ndah Sarampi Tinggi, kalu dio mudik nak kemumu, taratak ke tanah semeran agung, Semeren Agung Tanah Undan-Undang, Seleman Tanah Mundapo, tempat Basusun Depati Empat Dengan Sepan Helai Kain, urang batau diujung tanjung, urang mulanca diair mulin, rajo jauh dipangginnuntung, rajo parak dipanggin sirih, rajo dekat dipanggin kato.
    Depati yang empat balik ke Alam Kerinci tarajun ke bangka dalam, membao galiwang yang tigo belah, mumbao tumbak yang tigo batang, mumbao rutan yang tigo lidi.
    Mano dikato depati yang baraempat urang?
                Paratamo Depati Maro Langkap,
    Pandai munangkap kato rajo pandai munangkap kato jenang, dio tinggan di Tamia.
                Duo Depati Rencong Telang;
    Pandai munerang kato rajo, pandai munerang kato jenang, dio tinggan dipulau Sangkar.
                Tigo Depati Biong Sari,
    Pandai mumiong kato rajo, pandai mumiong kato jenang, dio tinggan di Pungasi.
    Empat Depati batu Ampa,
    Pandai mungampa kato rajo pandai mungampa kato jenang, dio tinggan ditanah samiran agung, samiran agung tanah undang-undang Saliman Tanah Mundapo, tempat basusun depati empat dengan selapan helai kain,nurang lulo bakain tunggan urang seorang bunamo duo.
    Mano uteh dinge bateh Depati Empat Dinge Sehelai Kain, kubawah arun dalam, kudateh tebing tinggi, tanjung baringin, pulau gaading, kayu embun bajaja tigo, kalu sahinggo itu ile ingatkan dio depati empat kalu sahinggo itu mudik ingatkan kito selapan helai kain, kalu sungai sudah bubatang kalu tanah sudah bugabung kalu genggam sudah buuntuk ingat kunamo masing-masing.
    Apo panuo uteh dinge bateh ado Pamangku Balimo Urang,
    Mano pamangku balimo urang? Pertinggi Tanjung Belit Kartan batunditunggu pamangku balimo urang, mano pamangku balimo urang?
    Paratamo Pamangku Sayo Rajo,
    Dio tinggan dikoto Petai. Duo Pamangku Cayo Rajo dio tinggan Semerap Ujung Pasir.
    Duo Pamangku Cayodarajo,
    Dio tinggan Samirah Bungo Tanjung, orang batelap dibau ipuh, orang betarap dibatu belang.
     Empat Pamangku Dirajo,
    Dio tinggan Sabukar Koto Iman, Pamangku Malindiman ditanjung Tanah capikau urang tuo dahin nengaka rajo mengernah mengernahkan uteh dinge bateh.
    Apo panuo uteh dinge bateh?
    Ado lantak yang tigo jenjang
    Satu disaliman,
    Duo ditanah rawang,
    Tigo di semurup.
    Apu panuo lantak yang tigo jenjang?
    Adalah tanah yang tigo,
    Satu disaliman,
    Duo ditanah rawang,
    Tigo disemurup.
    Apu panuo tanah yang tigo jembo?
    Ado piagam yang tigo pucuk, mano piagam yang tigo pucuk?
    Satu disemurup,
    Duo ditanah rawang,
    Tigo disaliman.
    Dio tataruh dihiang Tinggi, apo sebab dio tataruh disitu? Dio itu anak butino dalam, bekembang lapik bukembang tika, bapiuk gedang batungku jarang.
    Kalu dio duduk diseleman, gela depati batu ampa, pandai mungampa kato rajo, pandai mungampakan kato jenang, dio anak buah depati empat.
    Kalu dio duduk di hiang tinggi gela depati atur bumi sirahmato, pandai mungatur kato rajo, pandai mungatur kato jenang, dio itu anak batino kito selapan helai kain.
    Tatkalo maso agidulu mano jalan balik alam kerinci adalah lawang yang tigo,
    Manolah lawang ang tigo?
    Paratamo lawang cureh cermin, mudik dari jambi,
    Duo dinge sureh penggan, yaitu jalan tengku regen Tanah Indrapuro diateh Bukit Paninjau Laut lik balai baratapkan ijuk.
    Tigo dinge lawang sureh lipan, yaitu turun dari Koto Limau Manih dialam Kerinci Ini.
    Paratamo tarak,
    Kaduo koto,
    Katigo dusun,
    Kaempat nagari,
    Kalimo mandapo,
    Kaenam pelak yang barajumpuk,
    Katujuh pancalo,
    Kalapan banja parajilo panjang,
    Kasimilan pungguk.
    Tatkalo maso agi dulu, Kurinci itu belum bugela Kurinci, agi bugela alam kunci, semurup belum bugela semurup, agi bugela antau limau purut, sulak itu belum bugela sulak, agi bugela padang jambu alo, kemantan itu belum bugela kemantan, agi bugela pasir tarentang, rawang itu belum bugela rawang, agi bugela padang serai munanti, riang itu belum bugela riang agibugela bukit kajang selapak urang bakuto kuto jalatah, sungai penuh itu belum bugela sungai penuh agi bugelapadong imbo lulong, urang bapundokkan Pundok Tinggi orang bakuto Kuto Pandan, mandangkan Kuto Limau Manih. Pucuk Jambi tipu Palembang, pelit ladeh palito Kubang, Tinggi langgak Urangkkuto Payang, gedong unggoh Belui, Tebat Ijuk, Koto Majidin, Sombong Semurup, Takbu Sulak, Pucuk baso Pendung Kumantan.
    Mano Mandapo yang Selapan?
    Tigo dile empat tanah rawang,
    Tigo dimudik empat tanah rawang.
    Mano Mandapo yang Tigo Dile itu?
    Paratamo disaliman,
    Kaduo di tanah riang,
    Katigo dipanawa.
    La empat ditanah rawang depati punggung sepenuh bumi, orang manaruh mandapo balun. Mano mandapo tigo dimudik?
    Satu disemurup,
    Duo dikemantan,
    Tigo di depati tujuh
    La empat ditanah rawang , depati mudo tacuguk kening tarawang lidah, ado pasko tinggan disitu batumbak belang bajangguk jenggi, bajumbak meh bajamun pirak, orang manaruh mandapo tap:
    Mano lah uteh dinge bateh urang sungai penuh, dinge anak urang tanah kampung, kudateh batu basiding, kubawah bukit kemun, taginsi tanah kampung kecik teruh kupado seri abu lapeh kumaro air hitam, bateguntalang manio lantak meh bajaja tigo.
    Sapu dinge nunggu biden belah dair belah ilir, gela depati yang baula tungun lik pane bajaja tigo.
    Sapu dinge nunggu biden belah mudik gela pamangku suko rami.
    Sapu dinge nunggu biden sebelah tengah bela ile, gela datuk marajo hitam, tunggun tanah kampong dusun yang empat.
    Sapu dinge nunggu biden be;lah mudik, depati senggo rapi, anak urang sungai penuh pegaai ajo pegawai jenang.
    Apu dinge nunggu bideng belah dahat belah ile kabingin sati, sapu dinge nunggu mudik depati payung mana Raja duo, anak urang pondok tinggi.
    Sapu dinge nunggu bideng belah mudik? Gela Datuk Marajo Hitam, anak Urang Sungai Liuk menaruhkan arah sembilan bidang, menaruhkan tebat gedang sembilan panggung, menaruhkan pelak sembilan jumbo, menaruhkan kulapo sembilan batang, kalundio mudik kutanah Sulak Ala Pandak Ala Panjang, mano dikato ala pandak? Iyo didahet Sulak Gedang, urang bakuto Kuto Jering, mano dikato Ala Panjang? Iyo didahet Sulak Kecik, Urang Bakuto Kuto Jeli.
    Manolah uteh dinge bateh kito Tigo Luhah Pamuncak Tanah Mandapo Semurup dengan Mandapo Tanah Rawang?
    Kudateh bukit kepak, kubawah tempatmngabi aceh, atiyo bayo teruh kumaro sekungkung mati, lepeh kumaru sungai dereh, teruh kebalai beratap ijuk dikoto tuo, mendaki bukit sepunjung teruh ke karamanio ta tepat ke gunung bujang, jalan teruh betung belarik terjun kearun dalam, teruh ke telun berasap, lepeh ke lubuk buih baratemu Rio Mungempai, rio mengundan duduk bajuntai diateh aka, Gela Panglimo Sirah Mato, itu tunggu ulu Sungai Tabir.
    Kalu sehinggo itu kiun ingatklan dio nian, kalu sahinggo itu kumahin ingatkan kito tigo lurahnpamuncak tanah Mandapo Semurup.
    Tasiku gunung gurapi teruh ke gunung tirai embun lepeh ke bukit amparan kain, teruh ke gungung kuduk jawi, lepeh ke batu sikai kambing, bara tamu rian batuah rajo bungsu, bajumbak putih bajanggut merah batulong abang, diam dibekuk sungai pagu, kalu sahinggo itu kiun ingatkan dio nian, kalu sahinggo itu kumahin ingatkan kito Tigo Luhah Pamuncak Tanah Mandapo Semurup.
    Terjun alu parindu teruh ke bukit linkung badegunkke gunung bungkuk, kalu sahinggo itu kiun ingatkan urang pasimpan di koto enau, kalu sahinggo itu kumahin ingatkan kito Tigo Luhah Pamuncak Tanah Mundapo Semurup.
    Terjun ke muaro telang nak munjalong sungai linguh, tarantak ke sako kecik, baratamu dinge datuk Menda Mentin Limo Puluh.
    Tatakalo maso agi dulu, cabikkan sirih temihkan pinang, ado buet dinge janji sadu budama kupalo tupai, sadu ba ungko bakua itulah pegang dio nian.
    Manolah pegong kito Tigo Luhah Pamuncak Tanah Mandapo Semurup;
    Sadu nangrunyam kayu ksigi, satu bakayu kayu kemenyan sadu bukarau abang pipi, sadu babungo bungo rampai, bungo satundun sebelah hari[1] itulah pegang kito tigoluhah pamuncak tanah mandapo semurup.
    Sapu dinge nunggu biden sebelah dair belah dile, gela depati kuning kudrat, depati ngalih bapayung alam palito main ilang dilaman, sapu dinge nunggu bien belah dimudik, Gela Depati Semurup Sirah Mato, Depati Semurup anggonalo, Depati Semurup Tanah Napuro, Depati Semurup Kara Satio, Depati Semurup Ijung Karti.
    Sapu dinge nunggu biden belah tengah belah ile,Ngela Bujang Pariong Putih balam lapa anak urang Rawang Koto Baru.
    Sapu dinge nunggu biden belah mudik? Gela Depati Pajinak Tap
    Sapu dinge nunggu biden belah dahat belah ile, Gela Ijung Pajinak Putih, bara tumbuk sari Jung Panjang, orang duduk dipintu gedang, orang bajuntai dipintu kecik, kudarat babungo kayu kulembak babungo air, belah ile Sari Jung Panjang, bela mudik Bensu Dirajo, belah tengah tempat yadun kedarat ketap baleguh, teruh ke guguk batungku tigo, lepeh ketebat di lupak mendaki batang cimeteh, teruh kebukit sarong imau ta tepat gunung maninjau jalan teruh ke air nyuhuk.
    Ke lembak tanah mungguk malintang lisut ampo pedang baperit, aru dalam pungala timawak bulebuk tudung ngapuk, lubuk sakijong tudung anyut teruh ke marop sungai mancur, mendaki ke koto ubi, jalan teruh ke padang talang tatepat ke gunung bujang.
    Semurup kotak yang enam ditunggu Depati Batigo Urang Pamangku Yang Baduo Ninik Mamak Paramenti Yang Selapan.
    Mano dikato kotak yang enam?
    Paratamo dikoto tengah, kaduo dikoto mudik, katigo dikoto dair, kaempat di kot datuk, kalimo di koto cayo, kaenam di koto duar
    Mano Depati Batigo Urang?
    Paratamo Depati Mudo, Kaduo Depati Kupalo Sembah, Katigo Depati Rajo Simpan Bumi.
    Mano pamangku yang baduo?
    Paratamo Pamangku Rajo Tuo,
    Kaduo Pamangku Kepalo Rajo Dinge balik ke muara semerah.
    Mano dikato ninik mamak paramaenti yang selapan?
    Paratamo, Ijung Pati Jadi Tuo,
    Kaduo Ijung Tuo,
    Katigo Ijung Panjang,
    kaempat, Ijung Mamat,
    kalimo Ijung Manalo,
    kaenam Ijung Kecik,
    katujuh Ijung Pajinak,
    kalapan Ijung Karti.
    Satu Depati Mudo apu kagedong dio?
    Megang kerat kudungbgabung tanah pancung sulor rendam sati, pancang areh random kudalam tebu panjang kuladi besi, apolah pangket umah gedang dio disitu tataruh pisau kulam yang sabilah, disitu tataruh tembo utan tembu tanah, disitu tataruh iku kain kepalo kain[2].
    Kaduo Depati Kepalo Sembah apo ka gedang
    Dio disitu tataruh kapokat yang gedang disitu tataruh ambung yang liba, apo pangket umah gedang dio namonyo rek warnanyo intan kum Gumalo Bumi Rajo.
    Katigo Depati Rajo Simpan Bumi,
    Apu ka gedong dio dio megangkan lantak idak guyah megang, kait yang idak sekah, megangkan tali idak putuh, apu pangket uma gedang dio disitu tataruh kungkung padi yang gedang, disitu tataruh tanduk kerbau yang sabuah disitu tataruh cermin yang amat terang disitu tataruh terapong yang amat teruh, menerupong anak buah anak kemenakan.
    Depati Mudo duo dukung empat anak, mano dikato dukung yang duo?
    Paratamo: sutan depati tuo
    Kaduo: sutan depati kepalo rajo
    Mano dikato anak yang empat?
    Paratamo: datuk kayu hitam
    Kaduo: datuk dewo nyato
    Katigo: datuk mentin ilang dilaman
    Kaempat: datuk panghulu dinge balik ke Sulak Mukai Ilir
    Ado dih mulayu ngato:
    Budering munutuh sigai, lambio dipanjat jangan , bia tatilin bumi bumi pasimpai karasatio di asak jangan.
    Duo dih Mulayu ngato:
    Kerat dikerat batang karton, sudah dikerat panjang tujuh, kudarat kumingan kabau, nak muniti benda limo puluh
    Sudah dipakai tiap-tiap luak sudah dipakai tiap-tiap larik lain lubuk lain ikan lain padang lain belalang, lain manusio lain adatkan
    Tatkalo maso agi dulu: lubuk idak ka kuhong ikan antau diak kakuhong tambun, nagari idak kakuhong adat, gayung idak kakuhong sambut.
    Ado dih mulayu ngato,
    Rangkam sikumbang jati ketik idak pulang bakudo, patah tumbuh ilang baganti, namun adat, adat pasko sebagaimano simulo.
    Duo dih mulayu ngato
    Orangmmalukismdibangkamhulumkurangmsebenangmdiperkiarakanmsudahmdilukisssemenjamdulumtinggalmmengikutmkitomkemudian
    Tigo dih mulayu ngato:
    Bia kanti mungali tebat, kito mungali ubi jugo, bia batin hujan lebat, kito menepat janji jugo. Duo dih mulayu ngato: urang mulikis dibangka ulu, tarikkan benang dipakayan, sudah dilukis sejak dulu tinggen mungikut kito kemudian.
    Undang-undang itu empat parakaro:
    Paratamo: undang-undang luak
    Kaduo: undang undang nagari
    Katigo: undng-undang orang dalam nagari
    Kaempat: undang-undangyang duo puluh
    Mano dikato undang luak?
    Malinggang idak tarapapeh, tegaknyu luak tara sundak, yaitu rajo Paramato Alam Bara Perang
    Duonundang-undang nagari:
    Paratamo ado pari tarantang
    Kaduo ado lebuh tapian
    Katigo ado balai
    Kaempat ado masjid
    Kalimo cukup keadan didalam nagari itu barunyu sah nagari itu.
    Panghulu jiwa nagari, ulu baling tabing nagari, alim ulama suluh yang amat terang air yang amat jernih, didalom nagari itu barunyo nagari, ado pasak serto kancing, ado ulu serto luak anak kemenakan kembang biak dialom negri, baru nyusah nagari itu.
    Ado bareh serto padi, ado meh serto perak, ado kerbau serto jawi, ado kambing serto ayam, kerbau dan jawi liuk dipadang, kambing dan ayam ketu dilaman burung petuh lindung dilangit didalom nagari itu, barunyu sah nagari.
    Ramai tapian dek urang mudo, iluk nagari dek urang tuo panunggu dusun, kalu dio idut tempat bauik, kalu dio mati tempat basumpah, junjung hidup tahan panjat junjung bah tahan titi, ayam bakukuk ahi siang, barunyu sah nagari itu.
    Katigo undang undang dalom nagari,salah pauk memberi pampeh, salah bunuh memberi bangun, nak bubini isi adat isipsko, nak lahi tuang lamago, ado dih mulayu ngato, kudarat sandang lah kembut, kembut berisi dinge letuk, kampin burisi dengan serai, sakupo didlam padi, kalu ado m,aratabat undang undang, nyungkut cubo tatin cubo kirai, cubo terai, kalu tatin kalu takirai, kalu taterai, mano sureh taliti nunjuk, kalu ado sureh taliti nunjuk, imbau perbukalo mak kami baya.
    Ka empat undang undang yang duo puluh, undang undang yang duo puluh terbagi ateh duo bahagiannyo, paratmo undang undang yang selapan, duo undang undang yang duo beleh, undang undang yang duo beleh tabagi ateh duo bagian enam dahulu enam kamudian.
    Mano undang undang enam dahulu yaitu mambaokan jalan tuduh, tuduh tuah uhang kamalin, tampo-ampo uhang ku ilong, sebab antin jatuh enggang terbang, sebab gurun layu gajah nempuh, lawennyu itu enam pulo, paratamo bajalan basa-basah, duo bajalan barageh rageh, tigo dibao pikat,empat dibao langau, limo keno isik keno yang, enam ado urang mao barita.
    Mano undang-undang enam kamudian yaitu membaokkan jalan cimo, datang seorang saruncingntanduk, si bengkeh kuning, cenderung mato urang banyak, nyujung nyu idak, ngepit nyu idak dusanak, bukan saudara, bukan nyu itu ado nempuh situ, urang itu kehilangan, harusnyo itu keno tuduh, menurut adat yang biaso.
    Taburu nyo idak talelaknyu idak, tasubok nyu idak, tasambang nyu idak, takabek nyu idak, ta ikek nyu idak, taregap nyu idak.
    Harusnyu keno hukum menurut undang undang yang biaso, lawennyu itu enam pulo, paratamo urang malin mati tarateh, kaduo musongnyo dapat ngunggun dapat, tigo takurung mati, empat ta tando dio barautang, limo tabayang kalambu Allah, ka enam tatando dio tabiti.
    Mano undang undang yang selapan, empat didarat diair, mano undangundang empat didarat, paratamo remban batakuk, kaduo pua manyarungkuk, katigo lalang manyarumut, kaempat, sepah malambun,
    Masuk undang undang samun empat parakaro, paratamo samun sadundum duman, duo samun samantin duman, katigo samun labujang duman, kaempat samun sigajah duman.
    Manolah lah tumbuh samun sadundum duman, yaitu didalom nagari yamng gedang, antaro jalan pandak dinge jalan panajng, antaro simpang dinge simpang, kalu sadundum tepuk dinge pegeh, kalu agayo ya dinge buih, kalu sakato tuo dinge mudo, kalu sabunyi bujang dinge gadih, tuo sianu lah mati anjing.
    Manolah tumbuhsamun samnatin duman: antaro taratak lah dinge kuto, antaro kot dinge dusun, antaro dinge nageri, antaro nagari dinge pelak, antaro pelak dinge pancalo, antaro pancalo dinge banja, antaro banja dinge pungguk, kalu tsuo umput dinge lundung, darah tapancang lagau ngerenggang tuolah samun samantin duman.
    Manolah tumbuh samun sabujang duman: antaro sesepa dinge baluka, antaro matang pandak dinge matang panjang, , antaro rimbo dinge lurah, antaro lurah dinge bukit, antaro bukit dinge padun, aklu tasuo darah tapancang, langau marenggang, bangkai tasulik tuo samun sabujang duman.
    Tapi Kalu ado kuju budarah, pedang badarah, lek mulek air de pamuluh, la ketu kato dek mupakat, la huntung salak anjing ke lurak, kato sudah bacaro abih, ayam bakukuk ahi siang, la idak dapat batindak agi.
    Manolah tumbuh sigajah duman, tapak saluluh rimbo balaun, padang sarentak abai,  paku ijung ajo batu badamai, disitulah tanah lebih bubagik, disitu urang mauk idak mampeh, disitu urang munuh idak mangun, jikalau pauk baleh dinge pauk, jikalu tikam baleh dinge tikam, jikalubunuh baleh dinge bunuh, sapu dinge jantan ambik baleh, sapu butino lahi situ.
                Masuk ibu samundup parakaro:
    Paratamo dengki
    Kaduo nayai
                Mano undangundang empat diair?
    Paratamo bajamban bajambun aro
    Kaduo tapian bapago baso
    Katigo padang bapaga malu
    Kaempat tebing badingkek dinge undang undang
    Lawennyu itu empat pulo:
    Paratamo lapang sipengileh
    Kaduo laying-layang manyapu buih
    Katigo beruk gedang dipaninjau
    Kaempat mujuk mangemba batang
                Lawen itu empat pulo
    Empat itu tinggan diluar nagari, empat itu jatuh masuk nagari
    Mano empat tinggan luar nagari
    Paratamo sujek mulipi air
    Kaduo gunjing diluar kato
    Katigo sesut
    Kaempat fitnah
    Mano dinge empat jatuh masuk nagari
    Paratmo parit babinteng dinge pasko
    Kaduo laman basapu adat
    Katigo rumah gedang basendi batu
    Kaempat adat basendi haluan
    Mendun balukis dinge lamago ampa balampit dinge pasko, belah tengah tiang panjang, yang sebatang kudateh paying kembang sekaki, karasatio dengan semangkuk, kubawah lapik buntak, paradun meh ampa balampit dinge pasko
    Ado dih mulayu ngato: bia tujuh kali murangkap pesap, peasap tangkap bawah mansiro, tujuh kali bumi takirap jangan diasak karasatio. La mban sikandang pampeh, la ti ampa sikandung bangun, mencecak masuk, mangkarung masuk, la ilang luko bupampeh, la ilang mati bu bangun, ilang kurik terendam belang, kecut kan paying rungkek mangkuto, kikihkan celak, anyutkan pagam kabarkan kubur ninik moyang.
    Ado dih mulayu ngato:
    Buruk pikau trbang kulangit, tibo dilangit bacarito hilang pisau timbul punyait, hilang tuah cilako tibo.
    Duo dih mulayu ngato:
    Menyumpit buranak timak, sekupang didalom padiburung disumpit keno semah, ikan ditubo burung mati.
                Tigo dih mulayu ngato:
    Teluk kati tupang manupang, tatupang bawah mansiro, beruk babini simpai barutang, kero tarendam karumah rajo.
    Pasal itu umpamo pintu, bab itu umpamo jalan, kalu bujalna menuju lurus, kalu bukato manuju bena, kalu manebang manuju bangka, kalu malanting manuju tampuk, kalu manembak manuju alamat.
    Ado dih ulayu ngato: kalu gajah tagosang during patah gading yang batuah, kalu harimau tagosong lompat hilang belang dinge nyato, kalu tapijak diarang hitam tapak, tapalit dikapu putih tunjuk, kalu tibo dipapan jangan burentak, kalu tibo diduri jangan sanginjek, kalu tibo diperut jangan dikempih, kalu tibo dimato jangan dipicingkan, kalu bukato jangan mungulung lidah, kalu bajalan jangan murenjen kaki, salah kato adat batal kato serak, idak betul kato ico pakai.
    Masuk undang besi empat parakaro: paratamokalu patah dititut, kaduo kalu buruk di silih, katigo kalu hilang diganti, kaempat kalu sumbuing ditimpe
    Ado dih mulayu ngato: dimano temilang dicacak disitu telemen tumbuh, mano bumi dianyah, disitu langit dijunjung, mano nagari ditunggu disitu adat dihuni.
    Apo kato adat yang empat balik ke alam kerinci: kalu sesat surut, kalu tilangkah kembali, kalu kufur taubat, kalu gawa menyembah, kalu titin tipasang dititi, kalu jalan dirambah diturut, kalu baju dijahit dipakai, kalu ditanam tumbuh, kalu diidut biak, kalu kesat disepeleh, kalu bungkuk ditarah, kalu tarayat diabisi,
    Ado dih mulayu ngato: bungo canano kembang sitangkai, kembang maju kemuko, kalu pandai muniti aka, sampai, layu dipuncaknyo, basabung kilat cermin ke muko, kalu idak pandai muniti aka mayeribu ke usuknyo, basilang tunjuk ke bibir, agi arang agi batimpo, agi suluh agi bajalan.
    Cedik itu empat parakaro:
    paratamo cedik ubi,
    kaduo cedik kacang,
    katigo cedik uso,
    kaempat cedik kangkung
    Lawennyu itu empat pulo: paratamao cedik kucing, kaduo cedik minteh, katigo cedik peltutu, ka empat cedik ngaih ke punggung ke hadapan
    Lawennyu itu empat pulo paratamo bidik kaduo gedik katigo bisik ka empat sidik.
    Ado dih mulayungato:
    Kalu utan la panjang amat ingat dililit purun buluh, kalu akal la panjang amat ingat dililit batang tubuh.
    Duo dih mulayu ngato: nak mudik kutalang terok, banyak sinawan ditempat ninek kalu cedik mulampu pucuk kepalo banyak tajuan harto ninek.
    Tigo dih mulayu ngato: jangan jangan budalom lubuk bagedong ikan, antau tasintuh bereh tabayak, aym jugo dinge kenyang makan.
    Ingatkan kato yang duo, wajah yang empat, mano tu yagn duo , 1 betul dalam adat 2 betul didalm serak
    Mano dikato wajah yang empat 1. rek 2, padek 3 batunggun 4, idak bakucak,
    Ado dih mulayu ngato jangan jangan baumo dilereng bukit padi murembang sahinggo pinggang, jangan jangan saumpamo burung pipit mano hinggap digempa uhang.
    Ado dih mulayu ngato: kalu ile sirentak satangkalu mudik serengkuh dayung, kau terbang bakawan kalu hinggap bapulun.
    Jalak lang jalak gumalng, ayam kulabu panjang tali, nyu mengeram sudah tuai nyu bakutik diluar sangkak, nyu batelu sabiji idak, nyu mangemban bakulun ka patuk, nyu malepu sami ngaok, lun disabung nyu lah kalah lum disiram nyu la keno.
    Ado dih mulayu ngato
    Jangan jangan takilang tebu barueh rusak gulo kalu tasgu dienau tuo balatak uyung dimato kalu ta embu salung babuku penuh abu masuk mato, mirah muko padat dado itu tandu hang kabi seko
    Tatkalo masi agi dulu tuen angku bakudo irang rajo mudo bakudo  orang diateh bukit paninjau laut lik bali baratap ijuk taklao motong kerbau sitengah duo tanduk didaging di makan krasio disumpahkan lak mulek air dipamuluh lak getu kato dimupakat kato taserah kan urang surang, hukumjatuh patinah dibaco dua ditampung ado buet dinge janji.
    Mano pegang kito Tigo Luhah pamuncak tanah mundapo semurup: megang kan gunung yang mamuncak, megangkan paruh yang amat teduh, megangkan padang yang amat ujo, megankan renah yang amt lueh, manolah pegang yang batuah, memegangkan laut yang balebuh, megangkan ombak yang tigo lidi, sehinggo guo kalam sabelah, sehinggo serentak air hitam, sehinggo sekilan air bangi, sehinggo patio daman kiun, sahinggo sapisau la pisau anyut, sehinggo au tembun nagari, sehingga kubu serendam dewi lepeh ketanjung pulau kersik.
    Kalu terjun anak buah depati 4 dengan lapan lai kain, ke laut yang belebuh, ke umbak yang tigo lidi, kalu karam mintak diselam, kalau tatimbun mintak digali, kalunyu ka gunung mintak disigai, kalu ka langit mintak diasap, kalunyu naik anak buah yang batuah kea lam kerinci ini, kalunyu anyut mintak dipinteh, kalunyu jatuh mintak disambut, kalunyu bah mintak dibangkit, kalunyu cundung mintak ditungkat, kalunyu luko mintak dipampeh, kalunyu mati mintak dibangun, kalu nak bubini isi adat sis pasko, nak lari tuang lamago, itulah buat dinge janji, tatkalo masi agi dulu, bekudi dalam karasatio, hak milik ico pakai.
    Mano dikato hak yaitu anak dari pado kito, ado sih mulayu ngato: tinggi tinggi kalapo meh, nyu babauah sami babungo, bia sapeti munahuh meh idak untuk anak cucu apo gunonyo.
    Mano dikatokan harto, yaitu barang barang kito cukup lengkap sagalonyo.
    Mano dikato milik yaitu:
    1.      Dapat dari tamilong besi
    2.      Dapat dari tamilong meh
    3.      Dapat dari tamilong pirak
    Mano dikato dari tamilong besi?
    Tanjung tinggi ditumbak, dinge dalam ditimbun, piring dilepah pematang dikencang.
    Mano dikato ico, yaitu lihat golongan urang dulu, cencang letih ninek moyang kito di ico samo di ico samo dipakai.
    Manodikatokan pakai, yaitu harto depatan, tasuo diumah umah ditunggu, tasuo dilabo labo diterimo, tasuo diutang utang dibaya, tasuo diternak ternak dipelaro.
    Kalu kudateh tunjukkan ini aku mengentik kato yang baundang, kalu kakanan aku mengiri kato yang taliti, kalu tabilok kakiri tabilok menjadi ukir, kalu maju kamuko tabentang munjadi barih, aku tegak dalam yang baundang, aku mahat dalam yang ba sifat, barunyu bena menurut adat barunyu sah menurup serak, barunyu betul menurut ico pakai.
    Kayu sejarah disumatera, tumbuh dilawong para matullah, nyu bapucuk ka undang, nyu babatng pasko, nyu babatang ke lamago tunggal larak lamago dibumi, apo katonyo, undang undang bap[ucuk bulat, nyu badanan kataliti, nyu baranting ka semat, yang duo puluh, nyu badaun kato ba dawan.
    Adopun dawah sabilit alam, adopun jawab sadindin alam, kalu jatuh daun ka langit, yang sangat tinggi menjadi sureh tabung pasumpa di awing awing.
    Kalu jatuh daun ke gunung yang mamuncak, menjadi undang undagn yang bapucuk bulat.
    Kalu jatuh ke daun ke laut yang sangat luas, munajdi taliti barajilo panjang
    Kalu jatuh daun kalurah yang amat dalam, menjadi lantak yangidak guyah, munjadi tali yang diak putuh, munjadi kait yang idak sekah, munjadi cermin yang amat terang, menjadi teropong yang amat teruh.
    Kalu jatuh daun ke padang yang amat ujo, munjadi lantak, lantak pasko, tailo tali batuah, lantak ditukun matang dikencang, piring dilepah, tanjung tinggi ditumbak, dinge dalam ditimbun, nyu munjadi harto milik, tetapi kalu padi sudah dimakan usong ditaruh menurut giler menggiler sejak dahulu sampai sekarang, nyu munjadi harto pasko, pasko kubatang tuo lamago baurek jati.
    Adopun duduk idak pamalu, adopun duduk serak idak babaso, adopun duduk batang pasko idak mumandang, adopunduduk yang ba undang idak paragu.
    Kato itu 4 parakaro:
    1.                  kato ajo kato malipan
    2.                  kato depati kato memeti
    3.                  kato penghulu kato manyusun
    4.                  kato inik mamak kato munyelesai
    Lawenyu itu empat pulo
    1.      Kato ulu baling kato mundareh
    2.      Kato urang banyak kato memecah
    3.      Kato perempuan kato merendah
    4.      Kato taganai kato menyelesai
    Utong kato samo dijawab, utong meh smo ditindih, Ado dih mulayu ngato:
    kudarat kuap meleguh, mundaki batang rapudin kerat dikerat batang sakai, dinge berat samo dipkul dinge ringan samo dijinjing, baru nagari akan selesai, tatumbuk biduk dikelokkantatumbuk kato dipikiri ado sih mulayu ngato:
    Baramulo ulu piker itu palito hati, ulu tenang adil bicaro, gedong hati laut ilmu, gedong akal laut piker, lubuk dalam dendam pasko, lubuk budi tapian baso, lubuk meh pasasunan kawan.
    Mano ibu undang yang selapan?
    1.      Sumabng
    2.      Salah
    3.      Tikam
    4.      Bunuh
    5.      Curi malin
    6.      Upeh racun
    7.      Ubuk pukau
    8.      Siur bakar
    1.      Sumbang Sumbang
                Lawennyu itu antam terjang, adodih mulayu ngato, bukebun buladong bayam, burakit ile semurup, kalu trjun samo terjang palang basakit manginto suhut, kami duduk dirumah tangu kami, akmi duduk dinge anak bini kami, kami duduk dinge busenang hati, kami duduk duduk dinge pempak, kalu kami tegak tegak dinge gawe, barutang idak piutan gidak, kalu ado samo kami makan, kalu idak nyado samo kami dicari, sekarang datang sianu itu melakukan degah dengan degun, mengerik mengencang lengan, mumaki samo mungambun, mengecis sami munganjing, mungutuk sami mungitan, mungendek samo mungampang, apokah slah apo idak salah, apokah lahong apoakh idak lahong, kalu idak burisi salah, disini meh mintak ditindih, disini meh minmtak batindih, kalu idak barisi lahong sebab si anu muncabut sanjato tajam, pedang talanjang, serto membesarkan mato, idak jugo berisi lahong.
                Cubo batin cubo kursi cubo terai kalu tatin, kalu takirai, kalui taterai, idak jugo burisi lahonmg, disini meh kito batindih, bio nan batampih, salah nak baliek bena nak bajingok, tetapi menelumpat, menelumpu menye lumpat, mnyelumpo dahan baru nyu bena menurut adat, barunyusah menurut serak baru betul menurut ico pakai.
    2.      Salah-salah
                Lawennyo itu ilo unjun, ado dih mulayu ngato jangen jangen cabuh duipakai adildibuang, sio sio utang tumbuh, kurang asin nagari lah, kalulelok kumalin, kalu lupo katinggen, kalu taluci tinggan, kalu tapijak luluh, kalu tamakan abih
    Sudah lah untung kayu ini jarum jarum tacempung kudalom laut, meh sacincin pulang mandi tebu satuntum rum gajah, meh itu balik kupado asal untung meh balik ke tanjung, idak dapat dicinto lagi
    ado dih mulayu ngato arang abih besi binasa orang dinge muput payah bae
    3. Tikam Tikam
                Lawennyu malin budi ado dih mulayu ngato jangan jangan ke teluk menyusut antau kubawah mumecah timbo nak ngusut antau. Nak ngaru lubuk. Taraso sedik mamuang kawan, tasafepuk ma muang lemak, taraso tinggi nak menyelimpo, taraso gdang nak manindih.
    Ado dih mulayu ngato:
    Anak kampong meli kulapo orang munebat dalam jerami pecah kampung besut gua sebab pekaro ini.
    Duo dih mulayu ngato: padi pulut masak sirangkai padi nak urang indar puro, dengan kusut idak selesai ujung pangkan idak basuo.
    Tigo dih mulayu ngato: iluk pabrik uran gmaru sakai air mencuruh di indra puro cedik perit jangan dipakai, awak dimakan karasatio, almo hidup badana sansaro isuk jadi unggun api narako.
    Empat dih mulayu ngato: gungun hiang gunung cipako air hitam cucur tamansi padi tikam dinge kato iluk ditikam dinge besi Limo dih mulayu ngato: sungi penuh munanam timun ngandun mungilam ke pondok tinggi, tikam seribu idak munuh tikam seliang idak mumao mati.
    3.      Bunuh Bunuh
                Lawennyu itu menyurukkan budi, ado dih mulayu ngato jangan jangan biduk buruk manyuen diri, jangan ngayut kan batang nge batang pinggang
    jangan munyagku buah dile, jangan munyambut beliung jatuh, jagn mengenggu pedang jatuh uwe uwe lah keno getah semubut minta hutang jagnan mbuk dipancung pedang dinge hilang, jangan mbuk dijuen meh dinge abih, awak keno luluk kandang kerbau tinggan, awak keno getah kayu aro mati, jangan maken kuwau enggang agi terbang, salah kato adat salah kato serak, idak betul kato ico pakai.
    4.      Curi-Curi Malin
                Lawennyu itu kicuh kecin, ado sih mulayu ngato: jagnan munyuwuk kanti kanti selirit, jangan munganjak kanti sajalan, jangan mungintin kain dalam lipatan, semak semak diangkut, imbun imbun ditutuh, sekali ari dalam sekali anjak pulau, sekali ke meh sekali ke bungkan, salah kato adat, salah kato serak, idak betul kato ico pakai.
    5.      Upeh Racun Upeh Racun
                Lawennyu itu kecupandan, ado dih mulayu ngato, semabat terbang bakawan, giring giring dalam buku buluh, banyak sahabat jadi lawan kanti salirit menjadi musuh, jangan mungemping bumbun mungunjang labun, jangan mumasang anjau dimendun, awak gedang bulaku kecik, salah kato adat, btal kato serak, idak betul kato ico pakai.
    6.      Ubuk pukau ubuk pukau
                Lawennyu itu menyurukkan akal, :ado dih mulayungato, jangan jangan malang jerat, utang perawet bunuh, titin gilir dalam nagari, gung gedang duo sagayo, jagnan mungali kain di belakang, jangan munganjak kato dihadapan, awak gedak bulaku kecik, salah kato adat alah kato serak idak betul kato ico pakai.
    7.      Suir bakar siur bakar
                Lawennyu itu mulanggkah kan akal, ado dih mulayu ngato, jangan jangan munyerah sami munghukum, serahdi urang hukumdiawak, ayam buipaju dipegang iku, ayambu ambu kayu dipijak, jagnan murontak dalam meh taletak, jangan muruenggut dalam meh, ulu ulu ditarik ,bentang bentang di ibat, salah kato adat batal kato serak, idak betul kato ico pakai.
                Dulu daulat yang batuah dipaga ruyung, nyu letak balai unjung malintang, panjang nyu 44 muku nyu ngadap sebelah darat yo pun yo waktu itu, tagantung nyu idak baratali, tegak nyu idak baatiang, nyu batiang tereh jelatang nyu basendi ke gading gajah tunggal, yo pun yo waktu itu dinge baliukan daun gando, dinge tali dahkan daun labalng, nyu batabungkan pulunpulun penutup nyo jangan samo samo yo pun yo diwaktu itu, kalu dikutik sebelah barat, guruhnyu sampai sebelah timur,  kalu dikutik sebelah utara, alunyu sampai sebelah selatan, yo pun yodiwaktu itu, bunyi nyu tinggi nyu rendah bunyi nyu nrendah nyu tinggi, bagnkit ringek renyong hatio, bangkit gayu mayang hati, nenga bunyiu tabuh tadi bunyi gentung kudo song berani, disitu diambik tiru tureh den tauladan, sejak dahulu sampai sekarang beku didalam karasatio
                Tatkalo maso agi dulu gayo tigo bumi kiamat, tuen sih datang dari mekah, tuen sureh datang dari madinah, piti sekeping dipatigo
    Sebagi jatuh ke benda ruham
    Sebgai jatuh ke bendda depan
    Sebagi jatuh ke alam kerinci
    Sekeping jatuh ke piawang minang kabau
                Dinge jatuh ke alamkerinci nyu menjadi meh sa meh menjadi pakai jadi pedoman depati 4 dengan selapan helai kain
    Kalunyu buruk disuci, kalunyu kumuh disesah kalunyu terjun dipunaik disitu diambik contoh den tauladan batakah nai bajenjang turun disitu dianguk idak mati disitu diasak idak layu, disitu direndam idak basah, disitu diampai idak kering, disitu tabakar idak hangus, disitu besi tahan tepo, disitu meh tahan uji, disitu pirak tahan ttintin, disitu kaji tahan simak, disitu adat taha banding, barunyubena menurut adat, barunyu sah menurut serak, barunyu betul menurut ico pakai
                Takalo maso agi dulu, dimenung dulu baru bicaro, digimang dulu baru dilanting, diagak dulu baru diagih, dipikir dulu baru diperbuat, ateh ateh permen tumbuh pasko ateh tumbuh lamago ateh tuang, kalu lamago dinge tuang nyu alah seko dibuat janji, ateh samo mbuk, adopunadet pedoman kepado ico pakai ico paki pedomankepado kabilat adat, akbilat adat bagantung kepado kadudukan adat
                Tatkalo maso gi dulu depati 4 selapan helai kain, dinge anak urang pasa 4 bali, orang itu nak ba padun padan orangMnak ngebak ke samun sakai orang it lah bapadunpadan mai kito ngebahkan samun saki lah bah si samun saki bahlah gedung dipulau cingkuk mati pasa disalido
          Tatkalo Bulando agi budoh cino agi intong padang itu lun bugela padang agi bugela padong la gundi, baru tacacak sarajo yang duo beleh barunyu ramai kota padang, barunyu aman tanah kurinci, tempatpencarian anak urang pasa 4 balai, mano dikato nak urang pasa 4 balai
    1.      Tuen Gedang Dipatinipuh
    2.      Datuk Mendaro Disungai Terap
    3.      DatuknMangkudun diSumanik
    4.      Datuk Harmon Disuaso
    Orang Itu Nak Bacuran Hukum
    Tuen tuen gedang Dipatinipuh barulang dio bacurah hukum:
    Empat hukum dio curahkan:
    1.      Hukum aka; 2. Hukumnniakal; 3. Hukum ilmu; 4. Hukum jatihat
                Dan katigo datuk mangkudun di sumanik, baru lah dio bacurah hukum: yaitu seperti ayam putih terbang siang hingggap dikayu pangkan dahan kayu itu paraduan buah ny basuluh ke mato hari nyu balanggang mato orang banyak
                Apakah putih apakah hitam, apakah benar apakah salah, apakah salah pakah bena, tilik lurus lurus hukum saadil adil, barunyu bena menurut adat, barunyu sah menurut serak barunyu betul menurut ico paki
    Danke empat datuk ormon di suaso, baru dio bacurah hukum, yatiu seperti ayam hitam terabng malam hinggap dikayu ujung dahan kayu itu, idak bubawang nyu butali ka ico pakai nyu basuluh ke terong bulan, terang bintang, apokah hitam apokah putih, apokah putih apokah hitam, apokah salah apokah bena apokah bena apokah salah, tilik lurus lurus pandang bena bena, timbang betul betul hukum seadil adil, mak nyu betul menurt ico pakai mak nyu sah menurut serah mak nyu bena menurut adat
                Mano dikato petatah petitih hukum adat alam kerinci,
    yaitu seperti munumbuk dalom lesung tinggi mano malimbak mano disapu, mano taluci munjadi bereh, amno dinge ampo melayang, amno dinge bernih disimpan,
                Partamo seperti munarik ambut dlm tepung, ingatkan ambut jangan putuh pelarokan tepung jangan tibayak, belum jugo sibena hukum
                Dan kedua seperti meniti antin antin dititi idak patah, semut dinge niti idak jatuh, belum jugo sibena hukum,
                Dan ketigo seperti semu man buah aro dimakn idak abih, semut dinge makan idak mati, belum jugo sibena hukum
                Dan keempat, seperti memalu ula dalam beneh, ula dipalu supayo mati, ingatkan beneh jangan bulubang, ingat pumalu jgnan patah, orang dimalu jangan rusak belum jugo sibena hukum
    dan kalimo seperti hukum tuen kadi di padang ggenting, kian tau kian batuik, kian pandai kian bulaja, kalu mandi ambik didile, kalu bukatoambik dibawah, kalu makan ambik kudian, belum jugo sibena hukum, adat alam kerinci.
                Dan keenam seperti, hukum padi, kian burisi kian tunduk, kian burenih kin bususun belum jugo sibena hukum,
    Dan ketujuh se[perti hukum gandum, kian kian burisi kian busatu, kian bureneh kian patuh, itu dikato hukum sibena adat alam kerinci
    Mano cedik untuk jadi pakai:
    1.          Sibena cedik pandai;
    bakacitak dalam air, pandai bakacimpuh sami mandi
    2.          Cedik Cindikio pandai bujalan dalom tanah pandai bukato dalam, air
    3.          Cedik Biong Pari;
    pandai mengetam kayu tegak, pandai madu sami mejam
    4.          Cedik bijaksano;
    Pandai busiong sami ngango, pandai munangkap bayang bayang, pandai munerimo kato sudah, disitu sayak sayak yang amat landai, disitu ai yang amat jernih, disitu ikan munangkap puku disitu manusio munangkap kieh, barunyu bena menurut adat barunyu sah menurut serak, barunyu betul ico pakai
    Ingat Itu 4 Parakaro
    1.      Ingat kepado Allah
    2.      Ingat kupado nabi
    3.      Ingat kupado ibu bapak
    4.      Ingat kupado guru rajo    
                Ingat ingat ateh ateh jangan nak kicuh jangan nak perit kudateh batu ampa, kubawah peddang tajam tengah tengah jarum kumbang, kalu kito kicuh klau kito perit kudateh idak bapucuk, kubawah idak baurek, kito dimakan karasatio
                Pado malam ini sirih kami endam pinang kami endam hancur luluh dinge pungebat, kami tekun kupalo yang satu kami tunahkan jari yang 10 kepado Allah kami minta tubat kupado nabi kami minta safaat, kepado ibu bapak kami minta ampun, kepado guru kami minta maaf.

    TAMAT

    Empat bagian meh
    1.      meh sepaetai yaitu meh anak jantan yaitu meh yang idak tetap
    2.      meh sakundi yaitu meh ninik mamak yaitu setengah dari meh sameh
    3.      meh sameh yaitu meh depati
    4.      meh panuo kato yaitu meh tidak tetap
    5.      meh limo kupang yatiu meh serak
    Pembagian rambang
    1.      sumbing bibir yaitu 4 kayu kain
    2.      belang talingo yaitu 4 kayu kain
    3.      jumping hidung yiatu 4 kayu kain
    4.      pecah mato yaitu 8 kayu kain
    Ibu sagalo rambang
    Pembagian Bangun
    1.      Orang dewasa laki laki 24 kayu kain
    2.      Orang dewasa perempuan 48 kayukain
    3.      Perempuan hamil 54 kayu kain
    4.      Anak kecil lakilaki 12 kayu kain
    5.      Anak kecil perempuan 24 kayu kain
    6.      Bangun lipan sakit setengah dari yang tertentu
    Kata-kata adat
    1.      Dirumah in kau peritkan dado bukato kan lengan bubintangkan petih
    2.      Idak tahu kandang awal pagar akhir, adat adat palungam serak serak dipaluntam
    3.      Meanukan siret dinge buun jengkun dinge paku, silang dinge selisih buruk dinge baik
    4.      Busemut busilo pado bunyamuk kupikat hujan petuh hujan kilat terjun siang terjun malam
    5.      Manih bagulo lemak busantan
    6.      Melompat kandang me ambur pagar yaitu anak bini anak urang ibu salah iku lahong kepalo pantang tasuruk yng basamo tapanjat yang basalengkang yaitu anak tunong uhang

    Pintu salah
    1.      Mulut salah kato
    2.      Mato slah melihat
    3.      Telingo salah mendengar
    4.      Tangan salah gapai
    5.      Kaki salah melangkah
    Yang dikatokan arah ajun ilo bentang ialah
    1.      Yang mengarah iyolah depati
    2.      Yang mengajun iyolah ninik mamak
    3.      Yang mengilo iyolah anak jantan
    4.      Yang mumentang iyolah anak batino
    5.      Kerbau yang dipotong tengah duo ekor, tanduk yang sebelah kanan terletak dirumah nenek besi yaitu di suruh, tanduk sebelah kiri tereletak dirumah ninek suri yaitu dirumah bairah



    RIWAYAT PENULIS :
    Nama                       : ANDODIAS RAPUAN, S.Pd.I
    Panggilan                :  Dodi
    Lahir                         : Muara Semerah Semurup  Kec. Air Hangat  Kab. Kerinci, 8 Agustus 1978
    Alamat                     :  Kerinci
    Email                        :  Andodiasrapuan@gmail.com
    Suku                         :  Mangku Rajo kalbu Sigumi Qudrat
    Saudara                   :  seayah ibu 5 saudara
    Seayah   :  3 saudara
    Pendidikan :
    SD No 59 / III Muara Semerah 1989
    SMP Negeri 1 Air Hangat 1993
    SMA Negeri 1 Air Hangat 1996
    STAIN Kerinci 2007
    Pengalaman Organisasi :
    Ketua Himaprodi Jurusan Kependidikan Islam
    Koordinator Jurnalistik Kampus STAIN Kerinci
    Pernah dalam Partai Politik PKS
    Kaur Kemasyarakat Desa (Staf desa)
    Yayasan Tarikat Naqsabandiah Semurup
    Anggota LSM Jamtoshc

    Pegalaman berbisnis/Pekerjaan:
    Pengalaman mengelola rental di Jambi selama + 3 tahun
    Pra cetak layout editing pada tabloid Pelopor
    Pengusaha Rental Komputer (DD Computer) di Kerinci
    Pengusaha Ternak sapi potong dan domba


    [1] Artinya;
    [2] artinyoKKaramatang

    Baca Juga